Laugardaginn 27. september fær Skagaströnd heimsókn frá tveimur grínistum sem hafa verið á faraldsfæti með sýningu sína víða um Norðurlönd – og lengra!

David Valley, færeyski uppistandarinn á bakvið History of the Faroe Islands (Please don’t laugh), flytur sitt efni á ensku, á meðan Eggert Smári, sem rekur uppistandsklúbbinn í Reykjavík, gerir sitt á íslensku. Þeir hafa flutt sýningar saman í Reykjavík, Færeyjum, Danmörku, Finnlandi og Eistlandi – og nú er komið að Skagaströnd.

Búast má við beittum bröndurum, sögum sem ættu kannski ekki að vera sagðar, og tveimur mönnum sem gera sitt besta til að gera laugardagskvöldið aðeins fyndnara á Skagaströnd.

Fyrstu 10 miðarnir kosta 2000  og 2500 eftir ( 3000 við hurð ).

Taktu vini þína með og vertu tilbúin(n) að hlæja svo hátt að það heyrist til Sauðárkróks.